Röng bók slær í gegn

Ljósmynd/Skjáskot

Bókin „Fire and Fury“ hefur slegið í gegn að undanförnu ef marka má stóraukna sölu á henni. Bókin fjallar þó ekki um Donald Trump Bandaríkjaforseta eins og einhver kynni að halda heldur loftárásir bandamanna á Þýskaland á árunum 1942-1945 þegar síðari heimsstyrjöldin stóð sem hæst. Fullu nafni nefnist bókin „Fire and Fury: The Allied bombing of Germany 1942-1945“ og er eftir kanadíska fræðimanninn Randall Hansen.

Líklegt er talið að ástæðan fyrir vaxandi vinsældum bókarinnar sé sú að hún ber sama megintitil og önnur bók sem nýverið var gefin út og fjallar um Trump og það sem gerst hefur á bak við tjöldin hjá honum að sögn höfundarins Michaels Wolffs. Sú bók heir „Fire and Fury: Inside the Trump White House“ og hefur vakið mikla athygli. Bæði vegna innihaldsins og einnig vegna harðra viðbragða Trumps og stuðningsmanna hans.

Fyrri bókin kom út fyrir um áratug og er nú á ýmsum listum hjá Amazon yfir söluhæstu bækurnar þegar kemur að bókum um hernaðarmál. Haft er eftir Hansen á fréttavef bandarísku sjónvarpsstöðvarinnar Fox að hann viti ekki hversu stór hluti af söluaukningunni sé vegna ruglings við bók Wolffs og hversu stór hluti sé vegna þess að fólk vilji einfaldlega kaupa bókina. Hugsanlega verði einhverjum bókanna skilað.

Hansen segir að sér hafi þótt þetta fyndið og hann hafi velt því yfir sér hvort fólk gæti verið svo vitlaust að rugla saman bókunum tveimur. Einn sem segist hafa keypt bókina skrifar umsögn á Amazon þar sem hann furðar sig á því, líklega meira í gamni en alvöru, að ekkert sé minnst á Trump í bókinni. Hann skilji því ekki hvers vegna pólitískir andstæðingar forsetans séu svona ánægðir með hana. 

mbl.is

Frá Sýrlandi til Evrópu - Greinaflokkur

Pallhýsi frá Travel Lite
Ferð með pallhýsi Nú er besti tíminn til að panta hús frá USA Verðið best , a...
Borðstofuborð ásamt sex stólum frá Öndvegi / Heimahúsinu til sölu
Tilboð óskast í borðstofuborð með sex stólum frá Öndvegi / Heimahúsinu. Borðið e...
Viðeyjarbiblía 1841
Til sölu Viðeyjarbiblía frá 1841, innbundin í fallegt skinnband, ástand mjög got...
 
Endurskoðun aðalskipulags
Tilkynningar
Endurskoðun aðalskipulags Akraness Alm...
Fundur
Fundir - mannfagnaðir
Fulltrúaráð sjálfstæðisfélaganna...
Breytt deiliskipulag arnarfelli
Fundir - mannfagnaðir
Auglýsing Breytt deiliskipulag að ...
L edda 6018011619i
Félagsstarf
? EDDA 6018011619 I Mynd af auglýsin...