Flugvél rann fram af kletti í Tyrklandi

Örvænting greip um sig meðal farþega í flugvél sem fór út af brautinni og fram af kletti sem stendur út í sjó á Trabzon-flugvellinum við Svartahafið í Tyrklandi. BBC greinir frá.

Flugvélin er af gerðinni Boeing 737-800 og tilheyrir flugfélaginu Pegasus Airlines. 168 farþegar voru um borð og var þeim öllum komið örugglega frá borði og engin slys urðu á fólki.

Farþegar hafa greint frá því að fólk hafi öskrað og grátið um borð í vélinni þegar hún varð stjórnlaus. Vélin liggur nú á eins konar moldarbeði og framendinn vísar niður að sjó.

Orsök slyssins eru ekki kunn að svo stöddu en yfirvöld hafa sagt að það verði rannsakað.

• 1 blogg um fréttina

Bloggað um fréttina

• Björn Jónsson: Fram af kletti ?????