Wahlberg gaf launin í nafni Williams

Mark Wahlberg, Charlie Plummer, Michelle Williams og Ridley Scott við ...
Mark Wahlberg, Charlie Plummer, Michelle Williams og Ridley Scott við frumsýningu All the Money in the World. AFP

Bandaríski leikarinn Mark Wahlberg hefur gefið greiðsluna sem hann fékk fyrir endurtökur á kvikmyndinni All the Money in the World til  baráttuhreyfingarinnar Time‘s Up. Frá þessu greindi leikarinn á Twitter í gær.

Greint var frá því í vikunni að Walhberg hefði fengið greiddar 1,5 milljónir dollara fyrir endurtökur á atriðum sem hann lék áður á móti Kevin Spacey. Mótleikona hans Michelle Williams fékk hins vegar greidda 80 dollara á dag fyrir aukavinnu sína.

Sagði Wahlberg í Twitter-færslu sinni að hann hefði gefið féð til Time‘s Up í nafni Williams. 

Greint var frá því nú í haust að Spacey hefði verið fjarlægður úr myndinni í kjölfar fjölda ásakana í hans garð um kynferðislega áreitni. Leikstjórinn Ridley Scott og aðrir sem að myndinni komu hlutu mikið lof fyrir ákvörðun sína um endurupptöku atriða Spacey aðeins sex vikum fyrir frumsýningu.

Time‘s Up styður einstaklinga sem orðið hafa fyrir kynferðislegri áreitni eða misnotkun á vinnustað.

mbl.is
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: START/BYRJA: 2018: 23/7: Ends 17...
Ódýr Nýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir - þyngd 18.5 k...
Húsaviðgerðir
https://www.husco.is/...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...