Ýtti á vitlausan takka við vaktaskipti

Skilaboðin sem íbúar og ferðamenn á Hawaii fengu send í ...
Skilaboðin sem íbúar og ferðamenn á Hawaii fengu send í gær. Skjáskot

Ástæðan fyrir eldflaugaárásarviðvöruninni sem send var til allra íbúa og ferðamanna sem staddir voru á Hawaii í gær var starfsmaður sem ýtti á vitlausan takka. Yfirvöld hafa lýst því yfir að atvikið verði rannsakað í þaula. BBC greinir frá.

Vaktaskipti fara fram í öryggismiðstöð fylkisins þrisvar á sólarhring og við vaktaskipti fer fram ferli þar sem gengið er úr skugga að öryggiskerfið virki. Það var við slík vaktaskipti sem starfsmaður ýtti á vitlausan takka og sendi út öryggisviðvörun vegna eldflaugaárásar í alla farsíma. Þá kom viðvörunin einnig á öllum útvarps- og sjónvarpsstöðvum á svæðinu.

Viðvörunin var leiðrétt með tölvupósti 18 mínútum eftir að hún var send út, en tilkynning barst ekki í farsíma fólks fyrr en 38 mínútum eftir upphaflegu skilaboðin.

Eins og von var á olli viðvörunin mikilli skelfingu, en spennan í samskiptum Bandaríkjanna og Norður-Kóreu fer vaxandi og vegna nálægðar er sérstakt viðvörunarkerfi til taks á Hawaii. Í desember síðastliðnum var kjarnorkuviðvörunarsírena eyjanna prófuð í fyrsta sinn síðan kalda stríðinu lauk.

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Húsaviðgerðir
https://www.husco.is/...
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Kommóða
Kommóða til sölu.3ja skúffu ljós viðarlit.. Mjög vel útlítandi..Verð kr 2000. S...