Tíu Sýrlendingar létust þar sem þeir reyndu að flýja frá heimalandi sínu til Líbanon. Fólkið lenti í miklu vetrarverði og varð úti, samkvæmt því sem kemur fram hjá líbanska hernum.
„Þau dóu úr kulda. Þetta voru tvö börn, sex konur og tveir karlar,“ sagði Abou Moussa yfirmaður í hernum.
Í yfirlýsingu sem herinn sendi frá sér vegna málsins kemur fram að þangað hafi borist ábending snemma í morgun þess efnis að fólkið væri í vanda statt. Það hefði lent í vonskuveðri í fjalllendi þar sem það reyndi að komast frá Sýrlandi.
„Starfsmaður í hernum fann lík níu flóttamanna. Hann bjargaði sex öðrum en einn þeirra dó á spítala,“ kom meðal annars fram í yfirlýsingu hersins.
Auk þess kom fram að tveir Sýrlendingar hefðu verið handteknir en þeir voru staðnir að því að reyna að smygla flóttamönnunum yfir til Líbanon.