Sökuð um að hafa beitt nemanda kynferðislegu ofbeldi

AFP

Tæplega þrítugur menntaskólakennari í Bronx-hverfinu í New York var í gær sakaður um að hafa beitt fjórtán ára nemanda kynferðislegu ofbeldi.

Kennarinn, Dori Myers, er sökuð um að hafa brotið gegn unglingspiltinum með munnmökum en hann greindi vinum sínum frá þessu.

Að sögn saksóknara er Myers, sem kenndi félagsfræði við New School for Leadership and the Arts í Kingsbridge, kærð fyrir brot gegn barni. Saksóknari fór fram á að trygging upp á 50 þúsund bandaríkjadali yrði sett en dómarinn, Laura Drager, ákvað að ekki þyrfti að greiða tryggingu í málinu. Aftur á móti setti dómarinn Myers í 30 daga nálgunarbann gagnvart nemandanum.

Samkvæmt fréttum bandarískra fjölmiðla á drengurinn að hafa greint bekkjarfélögum sínum frá brotinu sem hafi átt sér stað 1. nóvember og einhver þeirra lét skólayfirvöld vita. Henni var strax vikið frá störfum en hún hefur aldrei áður verið sökuð um brot gegn nemendum af nokkru tagi. 

Lögmaður Myer, Andrew Stoll, segir að hún hafi kennt við skólann frá árinu 2014 og aldrei hafi fallið blettur á orðspor hennar í starfi. Aðeins þurfi einn nemandi að koma með ásakanir sem þessar til þess að manneskja eins og Myer sé handtekin án þess að nokkur fótur sé fyrir ásökunum. „Þú leggur þig allan fram og það næsta sem þú veist er að ein ásökun á hendur þér getur eyðilagt allan þinn feril,“ segir Stoll í samtali við New York Post.

Frétt IBT

Frétt New York Post

mbl.is
Baðtæki til sölu
Til sölu nýleg baðtæki, lítið notuð. Baðskápur með handlaug og blöndunartæki 10....
KRISTALS LJÓSAKRÓNUR Útsala er að byrja
Glæsilegar kristalsljósakrónur í falleg heimili. Handskornar kristalsljósakrónu...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...