Carles Puigdemont, fyrrverandi forseti heimastjórnar Katalóníu, kom til Kaupmannahafnar í morgun og ögrar þar með stjórnvöldum á Spáni sem hafa hótað að gefa út handtökuskipun á hendur honum yfirgefi hann Belgíu, þar sem hann hefur verið útlegð síðan í október. Hann flúði þangað eftir að hafa rekinn úr stóli forseta heimstjórnarinnar eftir að hafa lýst yfir sjálfstæði Katalóníu í kjölfar þjóðaratkvæðagreiðslu um sjálfstæði.

Saksóknari á Spáni lýsti því yfir í gær að farið yrði fram á það við dönsk yfirvöld að Puigdemont yrði framseldur kæmi hann til Danmerkur.

Danskur fréttamaður hjá sjónvarpsstöðinni TV2 birti mynd af Puigdemont á vefsíðu stöðvarinnar í morgun, en þar sást forsetinn fyrrverandi umkringdur fréttamönnum á flugvellinum skömmu eftir að vél hans lenti. Puigdemont er kominn til Kaupmannahafnar til að taka þátt í málfundi um Katalóníu sem fer fram í Kaupmannahafnarháskóla síðar í dag.

Hann á yfir höfði sér hand­töku og mögu­lega ára­tuga lang­an fang­els­is­dóm, snúi hann aft­ur til Spán­ar.

Tengdar fréttir

Sjálfstæð Katalónía?

Puigdemont tekinn höndum

• Katalónskir aðskilnaðarsinnar hljóta uppreist æru
• Sjálfstæðissinnar með meirihluta
• Sjálfstæðissinnar taka sæti á Evrópuþinginu
• Stórsigur öfga-hægriflokks á Spáni

» Fleiri tengdar fréttir

• Blogga um frétt