Fimm almennir borgarar fengu læknisaðstoð í bænum Saraqeb í Sýrlandi í dag vegna öndunarerfiðleika í kjölfar loftárása stjórnarhersins.

Eftirlitssamtökin Syrian Observatory for Human Rights segja að „viðbjóðsleg lykt“ hafi fundist eftir að þyrlur stjórnarhersins gerðu árásir á bæinn sem er í Idlib-héraði. Segja samtökin að fimm borgarar hafi átt erfitt með andardrátt í kjölfarið.

Samtökin segja að íbúar og heilbrigðisstarfsfólk segi að eiturgas hafi verið notað í árásinni.

Sex féllu í loftárásum stjórnarhersins í bænum Maarat al-Numan sem einnig er í Idlib-héraði en þar hefur herinn gert áhlaup síðustu daga. Aðalsjúkrahús bæjarins skemmdist í árásinni. Svo illa er sjúkrahúsið skemmt að það er ekki lengur hægt að veita læknisaðstoð.

Sakaðir í notkun efnavopna

Í síðustu viku sökuðu Bandaríkjamenn Sýrlandsstjórn um að nota efnavopn á andstæðinga sína í orrustum í nágrenni höfuðborgarinnar Damaskus. Stjórnin segir slíkt lygi.

Varnarmálaráðherra Bandaríkjanna, Jimm Mattis, sagði við blaðamenn á föstudag að ríkisstjórn lands síns hefði áhyggjur af því að sarín-gasi hefði verið beitt nýverið í Sýrlandi og hafði það eftir starfsmönnum hjálparsamtaka sem þar starfa. Matis viðurkenndi að engar aðrar sannanir væru fyrir beitingu eiturgass en frásagnir af vettvangi.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt