„Ég er ekki hræddur við þig“

Teiknuð mynd af Salah Abdeslam frá réttarhöldunum.
Teiknuð mynd af Salah Abdeslam frá réttarhöldunum. AFP

„Þögn mín gerir mig ekki að glæpamanni, hún er vörnin mín.“ Þetta sagði Salah Abdeslam en réttarhöld yfir honum hófust í morgun í Brussel. Hann er ákærður fyrir ólöglegan vopnaburð og morðtilraun í Belgíu. Hans bíða einnig rétt­ar­höld í Frakklandi fyr­ir aðild að hryðju­verka­árás í Par­ís sem kostaði 130 manns lífið.

Abdeslam er ákærður fyrir að hafa reynt að drepa lögregluþjóna sem tóku þátt í aðgerðum þegar hann var handtekinn í Brussel í mars 2016. Þrír lög­reglu­menn særðust í skot­b­ar­dag­a og fé­lagi Abdeslam var skot­inn til bana. 

Abdeslam var hand­tek­inn ásamt Tún­is­búa, Sofia­ne Ay­ari, 24 ára, og eiga þeir yfir höfði sér allt að 40 ára fang­els­is­dóm verði þeir fundn­ir sek­ir.

Mikill viðbúnaður er vegna réttarhaldanna en um 200 vopnaðir lögregluþjónar ...
Mikill viðbúnaður er vegna réttarhaldanna en um 200 vopnaðir lögregluþjónar gæta dómshússins. AFP

Abdeslam hefur neitað að ræða við rannsakendur síðan hann var handtekinn. Hann krafðist þess að vera viðstaddur réttarhöldin í Belgíu en gert er ráð fyrir því að þau taki fjóra daga.

Ekki er talið líklegt að réttað verði yfir Abdeslam í Frakklandi fyrr en árið 2020 en talið er að hann hafi leikið stórt hlutverk í hryðjuverkaárásunum í París í nóvember árið 2015.

„Ég er ekki hræddur við þig og er heldur ekki hræddur við bandamenn þína. Ég treysti Allah og hef engu við það að bæta,“ sagði Abdeslam við réttarhöldin í morgun.

mbl.is
Giftingar- og trúlofunarhringar frá ERNU
Dæmi um handsmíðað par úr silfri með alexandrite-steini, sem gefur mikið litafló...
Svarthvít axlabönd
Til sölu fyrsta ljóðabók Gyrðis Elíassonar, Svarthvít axlabönd. Árituð og ástand...
Sultukrukkur,minibarflöskur og skór..
Til sölu...Ca 100 gler krukkur.til sölu. Frekar litlar. Einnig ca 200 smáflösku...