Starfsmannastjórinn ekki á förum
Setja bókamerki
Talsmaður Donalds Trump Bandaríkjaforseta segir forsetann hafa fulla trú á starfsmannastjóra sínum, John F. Kelly, og að hann sé ekki farinn að leita að öðrum í starfið. Washington Post greinir frá.
Kelly hefur hlotið harða gagnrýni fyrir störf sín undanfarið, og þá sérstaklega fyrir það að hafa komið Rob Porter, aðstoðarmanni Bandaríkjaforseta, til varnar eftir að fyrrverandi eiginkonur hans ásökuðu hann um heimilisofbeldi.
Sögusagnir þess efnis að Kelly hafi boðist til að segja upp störfum vegna þessa hafa gengið á fréttamiðlum, en Kelly hefur sjálfur neitað sannleiksgildi þeirra. Þá hefur Washington Post einnig greint frá því að Trump sé óánægður með Kelly og hafi haft samband við Reince Priebus, fyrrverandi starfsmannastjóra, vegna málsins.
Árshátíð ríkislögreglustjóra haldin í Tékklandi
Sex hafa greinst með listeríu
Gígbarmurinn hækkað frá því í gær
„Umsátursástand“
Shakespeare fannst í skókassa
Kostnaður meiri en milljón á fermetra
Skiptir miklu meira máli en fólk grunar