Í bann fyrir að gera grín að flugslysi

Hluti stuðningsmanna Nacional hegðaði sér ósæmilega í leiknum gegn Chapecoen­se.
Hluti stuðningsmanna Nacional hegðaði sér ósæmilega í leiknum gegn Chapecoen­se. AFP

Stuðningsmenn úrúgvæska knattspyrnuliðsins Nacional mega ekki koma á þrjá næstu leiki liðsins í Copa Libertadores, sterkustu liðakeppninni í Suður-Ameríku. Er það vegna þess að hluti þeirra gerði grín að flugslysi brasilíska liðsins Chapecoen­se árið 2016 en í því fórust flestir leikmenn Chapecoen­se.

Knattspyrnusamband Suður-Ameríku ákvað í dag að stuðningsmenn Nacional yrðu dæmdir í þriggja leikja bann en atvikið átti sér stað á leik liðanna 31. janúar. Auk þess var Nacional sektað um 80 þúsund dollara.

Chapecoen­se bað um að Nacional yrði vísað úr keppninni en við þeirri bón varð knattspyrnusambandið ekki. 

Talsmenn Nacional hafa beðist afsökunar á málinu og greina frá því að þeir stuðningsmenn sem létu verst fá ekki aftur að koma á leiki liðsins.

Alls lést 71 í flugslysi þegar flugvél með leikmenn og aðstandendur Chapecoen­se var á leið í leik í nóvember 2016.

mbl.is
Mitsub pajeró 3,2 D 2001 til sölu
kemur á götuna 29 des 2001 ekinn aðeins 206,000 km 2 eigendur. bíl í fínu stand...
Skúffa á traktorinn
Vönduð og sterkbyggð skúffa á þrítengið sem einnig er hægt að nota sem skóflu. ...
Tek að mér
Tek að mér ýmiskonar húsaviðhald, Uppl. í síma 847 8704 manninn@hotmail.com...
INTENSIVE ICELANDIC,ENGLISH, NORWEGIAN & DANISH f. foreigners - ÍSLENSKA f. útl - - ENSKA f. fullorðna - DANSKA- NORSKA
ÍSLENSKA, ENSKA, NORSKA, DANSKA: I, II, III, IV, V, VI: STARTING DATES 201: S...