Krefjast afsagnar Zuma

Afríska þjóðarráðið (ANC), sem er í meirihluta á suðurafríska þinginu, ætlar að krefjast formlega afsagnar Jacob Zuma, forseta landsins, eftir að Zuma neitaði sjálfur að segja af sér.  

BBC segir ákvörðunina fylgja í kjölfar maraþonfundar miðstjórnar flokksins. Vilji Zuma, sem er 75 ára, enn ekki segja af sér, mun verða sett fram vantrauststillaga gegn honum í þinginu. Búist er við að Zuma muni tapa þeirri atkvæðagreiðslu.

Frétt af mbl.is

Stefnuræðu Zuma frestað

BBC segir ANC enn ekki hafa staðfest þessa ákvörðun sína en suðurafrískir fjölmiðlar og Reuters-fréttastofan segja heimildamenn hafa staðfest ákvörðunina.

Frá því í desember hefur verið þrýst á Zuma að segja af sér vegna ásakana um spillingu og víkja fyrir Cyril Ramaphosa sem var kjörinn arftaki Zuma á formannsstóli Þjóðarráðsins í desember. Sjálfur hefur Zuma sagst vera tilbúinn að víkja en farið fram á að fá að sitja á forsetastólnum í nokkra mánuði enn.

Frétt af mbl.is

Íslandsvinur kjörinn leiðtogi ANC

• Blogga um frétt