Krefjast afsagnar Zuma

ANC ætlar að þrýsta á Jacob Zuma, forseta Suður-Afríku, að ...
ANC ætlar að þrýsta á Jacob Zuma, forseta Suður-Afríku, að segja af sér. Annars verði vantrausti lýst yfir á hendur honum í þinginu. AFP

Afríska þjóðarráðið (ANC), sem er í meirihluta á suðurafríska þinginu, ætlar að krefjast formlega afsagnar Jacob Zuma, forseta landsins, eftir að Zuma neitaði sjálfur að segja af sér.  

BBC segir ákvörðunina fylgja í kjölfar maraþonfundar miðstjórnar flokksins. Vilji Zuma, sem er 75 ára, enn ekki segja af sér, mun verða sett fram vantrauststillaga gegn honum í þinginu. Búist er við að Zuma muni tapa þeirri atkvæðagreiðslu.

BBC segir ANC enn ekki hafa staðfest þessa ákvörðun sína en suðurafrískir fjölmiðlar og Reuters-fréttastofan segja heimildamenn hafa staðfest ákvörðunina.

Frá því í desember hefur verið þrýst á Zuma að segja af sér vegna ásakana um spillingu og víkja fyrir Cyril Ramaphosa sem var kjörinn arftaki Zuma á formannsstóli Þjóðarráðsins í desember. Sjálfur hefur Zuma sagst vera tilbúinn að víkja en farið fram á að fá að sitja á forsetastólnum í nokkra mánuði enn.

mbl.is
EAE Bílalyftur 2 pósta og skæralyftur 1 og 2 metra 3-4-5 tonna
Eigum á lager skæralyftur 3 tonna sem lyfta 1 m og einnig niðurfellanlegar 3 to...
Hauststemning í Biskupstungum...
Eigum laust sumarhús í okt/nóv. Hlý og kósí hús með heitum potti.. Besti vinur...
Stórkostlegt úrval af Nuddbekkjum frá 46.000 ....
Stórkostlegt úrval af Nuddbekkjum frá 46.000 .... www.egat.is sími 8626194...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...