Varnarsamstarf ESB veldur áhyggjum

Jens Stoltenberg, framkvæmdastjóri NATO.
Jens Stoltenberg, framkvæmdastjóri NATO. AFP

Framkvæmdastjóri Atlantshafsbandalagsins (NATO), Jens Stoltenberg, varaði Evrópusambandið við því í dag að nýtt varnarsamstarf ríkja sambandsins mætti ekki grafa undan bandalaginu. Ummæli Stoltenbergs koma í kjölfar þess að bandarískir embættismenn hafa lýst áhyggjum sínum af áformum Evrópusambandsins.

Evrópusambandið kynnti í desember fyrirætlanir um að auka verulega samstarf ríkja sinna í varnarmálum og verja meðal annars betur fjármunum í verkefni tengd þeim. Bandarískir embættismenn óttast að með því verði minni áhersla lögð á NATO og að verndarhyggja verði innleidd þegar komi að framleiðendum vopnabúnaðar í Evrópu.

Stoltenberg, sem er fyrrverandi forsætisráðherra Noregs og leiðtogi norska Verkamannaflokksins, lét ummælin falla við upphaf fundar varnarmálaráðherra NATO í Brussel. Sagði hann engar líkur á því að Evrópusambandið gæti komið í staðinn fyrir NATO þegar kæmi að því að tryggja öryggi Evrópuríkja. Aukin fjárframlög til evrópskra varnarmála væru af hinu góða en aðeins ef það væri í samræmi við áætlanir NATO.

Samkeppni á milli Evrópusambandsins og NATO gerðu engum gagn. Bandamenn Evrópuríkja gerðu sér algerlega grein fyrir að varnir Evrópu hvíldu á NATO. 

mbl.is
Infrarauður Saunaklefi 229.000
Infrarauður Saunaklefi - 249.000 Tilboð : 229.000 Er á leiðinni 8-10 vikur ( 30...
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Ljósmyndanámskeið fyrir byrjendur
Ljosmyndari.is býður upp á fjölmörg námskeið á árinu 2019. 2ja daga ljósmyndanám...
- Studio íbúð til leigu.
Til leigu í Biskupstungum fyrir 1-2, bað/sturta og eldhús, gasgrill. leigist ...