Allir bjuggust við þessu

Nemendur yfirgefa skólann í dag í kjölfarið á árásinni.
Nemendur yfirgefa skólann í dag í kjölfarið á árásinni. AFP

Nemandi við Marjory Stoneman Douglas framhaldsskólann í Parkland í Flórída segir að allir hafi búist við því að maðurinn sem hóf skothríð í skólanum í dag myndi gera eitthvað slíkt.

Lögregla hefur greint frá því að í það minnsta 17 létust í árásinni. Árásarmaðurinn sem er í varðhaldi er fyrrverandi nemandi við skólann; Nicolas Cruz. Hann var handtekinn á vettvangi.

„Í hreinskilni sagt þá sögðu allir að hann væri fær um að framkvæma eitthvað svona og allir krakkarnir í skólanum grínuðust með að hann myndi skjóta skólann í tætlur,“ sagði nemandinn.

„Allir spáðu þessu, það er klikkað,“ sagði nemandinn og bætti við að árásarmaðurinn hafi vitað hvert ætti að fara í skólanum til að sem flestir yrðu á vegi hans.

Nemendur sjást hér ganga úr skólanum.
Nemendur sjást hér ganga úr skólanum. AFP

Melissa Falkowski er kennari við skólann en hún faldi sig inni í skáp á meðan árásinni stóð.„Þetta er martröð. Samfélagið brást þessum manneskjum í dag,“ sagði Falkowski en auk hennar földu 19 nemendur sig inni í skápnum. 

Foreldrar barna ræða við lögregluþjóna.
Foreldrar barna ræða við lögregluþjóna. AFP
mbl.is
Bosch þvottavél til sölu
Góð Bosch þvottavél er til sölu í 108 Reykjavík. Verð: 20.000 kr. Hafið samb...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...