Driver slítur tengsl við Oxfam

Minnie Driver.
Minnie Driver. AFP

Leikkonan Minnie Driver hefur sagt sig frá verkefnum tengdum góðgerðarsamtökunum Oxfam en hún hafði gegnt hlutverki sendiherra samtakanna í fleiri ár. Starfsmenn samtakanna hafa síðustu daga verið sakaðir um margvíslegt kynferðislegt ofbeldi og áreitni, bæði gagnvart öðrum starfsmönnum og skjólstæðingum. Þá er yfirstjórn samtakanna sökuð um að hafa hylmt yfir með níðingunum sem m.a. misnotuðu aðstöðu sína á vettvangi jarðskjálftanna á Haítí árið 2010.

Driver segir ásakanirnar „ekkert annað en hryllilegar“. Hún hefur starfað með samtökunum í 20 ár og segir vinnu sína hafa beinst gegn félagslegu og efnahaglegu óréttlæti. Hún segist ætla að halda áfram góðgerðarstörfum sínum á öðrum vettvangi. 

Leikkonan hefur sinnt störfum fyrir Oxfam víða um heim, m.a. í Kambódíu og á Taílandi. Þá hefur hún oftsinnis tekið þátt í fjáröflun fyrir samtökin.

Frétt BBC.

mbl.is
Bókhaldsþjónusta
Skattframtöl, bókhald, ársreikningar, vsk uppgjör & launauppgjör, stofnun félaga...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Til sölu blár Nissan Leaf.
2016 árgerð, ekinn 25 þús. 30 Kw. Blár, hraðhleðsla, vetrar/sumardekk, ljós inna...
Póstkort - Póstkort
Langar þig í raunverulegt póstkort sent frá útlöndum? Skoðaðu www.postcrossing....