Húsleit gerð hjá vinum forsetans

Lögregla í Suður-Afríku gerði í dag húsleit hjá Gupta-fjölskyldunni í tengslum við rannsókn sína á spillingarásökunum í garð forsetans Jacobs Zuma.

Þrír hafa verið handteknir í tengslum við rannsóknina, m.a. einn Gupta-bræðranna, og segir í yfirlýsingu lögreglu að búist sé við að tveir einstaklingar til viðbótar eigi eftir að gefa sig fram við lögreglu. Þá hefur BBC eftir lögreglu að húsleit hafi verið gerð á fleiri stöðum í tengslum við rannsóknina.

Gupta-fjölskyldan, sem er ættuð frá Indlandi, er sökuð um að hafa notað vináttu sína við forsetann til að auka viðskiptaveldi sitt fyrir tilstilli pólitískra áhrifa hans. Zuma og Gupta-fjölskyldan hafa neitað ásökununum.

Frétt af mbl.is

Krefjast afsagnar Zuma

Greint var frá því í gær að Afr­íska þjóðarráðið (ANC), sem er í meiri­hluta á suðurafríska þing­inu, ætl­i að krefjast form­lega af­sagn­ar Jacob Zuma, for­seta lands­ins, eft­ir að Zuma neitaði sjálf­ur að segja af sér.  

Frá því í des­em­ber hef­ur verið þrýst á Zuma að segja af sér vegna ásak­ana um spill­ingu og víkja fyr­ir Cyr­il Ramap­hosa sem var kjör­inn arftaki Zuma á for­manns­stóli Þjóðarráðsins í des­em­ber. Sjálf­ur hef­ur Zuma sagst vera til­bú­inn að víkja en farið fram á að fá að sitja á for­seta­stóln­um í nokkra mánuði enn.

Frétt af mbl.is

Stefnuræðu Zuma frestað

• Blogga um frétt