Húsleit gerð hjá vinum forsetans

Öryggisverðir við heimili Gupta fjölskyldunnar í Jóhannesarborg. Gupta fjölskyldan er ...
Öryggisverðir við heimili Gupta fjölskyldunnar í Jóhannesarborg. Gupta fjölskyldan er sökuð um að hafa notað vináttu sína við forsetan til auka viðskiptaveldi sitt. AFP

Lögregla í Suður-Afríku gerði í dag húsleit hjá Gupta-fjölskyldunni í tengslum við rannsókn sína á spillingarásökunum í garð forsetans Jacobs Zuma.

Þrír hafa verið handteknir í tengslum við rannsóknina, m.a. einn Gupta-bræðranna, og segir í yfirlýsingu lögreglu að búist sé við að tveir einstaklingar til viðbótar eigi eftir að gefa sig fram við lögreglu. Þá hefur BBC eftir lögreglu að húsleit hafi verið gerð á fleiri stöðum í tengslum við rannsóknina.

Gupta-fjölskyldan, sem er ættuð frá Indlandi, er sökuð um að hafa notað vináttu sína við forsetann til að auka viðskiptaveldi sitt fyrir tilstilli pólitískra áhrifa hans. Zuma og Gupta-fjölskyldan hafa neitað ásökununum.

Greint var frá því í gær að Afr­íska þjóðarráðið (ANC), sem er í meiri­hluta á suðurafríska þing­inu, ætl­i að krefjast form­lega af­sagn­ar Jacob Zuma, for­seta lands­ins, eft­ir að Zuma neitaði sjálf­ur að segja af sér.  

Frá því í des­em­ber hef­ur verið þrýst á Zuma að segja af sér vegna ásak­ana um spill­ingu og víkja fyr­ir Cyr­il Ramap­hosa sem var kjör­inn arftaki Zuma á for­manns­stóli Þjóðarráðsins í des­em­ber. Sjálf­ur hef­ur Zuma sagst vera til­bú­inn að víkja en farið fram á að fá að sitja á for­seta­stóln­um í nokkra mánuði enn.

mbl.is
Húsaviðgerðir - husco.is
https://www.husco.is/...
Kolaportið alltaf gott veður!
Góða veðrið og góða skapið er í KOLAPORTINU!...
Ódýr Nýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir - þyngd 18.5 k...
SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...