Klámstjarnan mun segja sína sögu

Stormy Daniels og Donald Trump.
Stormy Daniels og Donald Trump. AFP

Umboðsmaður klámstjörnunnar Stormy Daniels segir að henni sé frjálst að stíga fram og segja frá meintu sambandi sínu við Donald Trump Bandaríkjaforseta.

Wall Street Journal greindi frá því í janú­ar á þessu ári að Daniels hefði átt í meintu sam­bandi við Trump í júlí 2006, ári eftir að hann kvæntist Melaniu Trump og eignaðist með henni son.

Daniels er ekki lengur bundin þagnareið vegna málsins eftir að lögfræðingur Trumps, Michael Cohen, viðurkenndi að hann hefði greitt henni 130.000 dollara úr eigin vasa.

„Stormy mun stíga fram og segja sína sögu,“ sagði umboðsmaður Daniels, Gina Rodriguez, við fjölmiðla vestanhafs í dag.

Ummæli Rodriguez koma í kjölfarið á því að Cohen greindi frá því að hann hefði persónulega greitt Daniels það sem samsvarar 13 milljónum íslenskra króna. 

Eft­ir að frétt­ir bár­ust af því að Cohen hefði greitt Daniels fyr­ir að tjá sig ekki um sam­bandið við for­set­ann, neitaði hann því í fyrstu harðlega að hún hefði átt í sam­bandi við Trump. Í kjöl­farið bár­ust ásak­an­ir um að greiðslan til Daniels hefði verið ólög­leg og dreg­in af kosn­inga­fé.

Cohen seg­ir greiðsluna hins veg­ar hafa verið lög­lega og ekki tekna af fram­boðsfénu. Spurður hvers vegna hann hefði borgað Daniels sagði Cohen við CNN: „Jafn­vel þó að eitt­hvað sé ekki satt þá þýðir það ekki að það geti ekki valdið skaða og ég mun alltaf verja Trump.“

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
fjórir stálstál-stólar nýtt áklæði.þessir gömlu góðu sími 869-2798
er með fjóra nýklædda stálstóla þessa gömlu góðu á 40,000 kr sími 869-2798...
215/75X16
Til sölu 2st Contenental dekk notuð 215/75x16 undan Ford Transit húsbíl sterk ...
Stálvaskur - lítur vel út
Til sölu: Sterklegur stálvaskur. . verð 2000kr Upplýsingar í síma 564-1787 og ...
 
Félagslíf
Staður og stund
Aflagrandi 40 Opin vinnustofa frá kl 9, ...
Vélavörður
Sjávarútvegur
Vélavörður Vísir hf. óska...
Aðalfundur
Fundir - mannfagnaðir
Félag sjálfstæðismanna, Langholti ...
Fulltrúaráðsfundur
Fundir - mannfagnaðir
Vörður - fulltrúaráð sjálfstæðisf...