Klukkan átta að dönskum tíma í morgun hófust fallbyssuskot frá Holmen í Kaupmannahöfn og frá Kronborgarhöll í Helsingør til heiðurs Hinriki prins sem lést í fyrradag, 83 ára að aldri. Fjölmargir eru samankomnir í nágrenni þessara tveggja staða til að minnast prinsins, eiginmanns Margrétar Danadrottningar.
Síðast var skotið af fallbyssunum með þessum hætti er Ingrid drottning, móðir Margrétar, lést árið 2000.
Athöfnin stendur í fjörutíu mínútur og verður þrisvar sinnum skotið 27 skotum á því tímabili.
Lýsingu danska ríkisútvarpsins í beinni útsendingu má sjá hér.