Innanríkisráðherra Mexíkó í þyrluslysi

Innanríkisráðherra Mexíkó slapp lifandi eftir þyrluslys sem varð í nótt nærri upptökum jarðskjálfta sem var 7,2 stig af stærð. Var hann á flugi ásamt fylkisstjóra Oxaca-fylkis, þar sem skjálftinn reið yfir. Tveir létust hins vegar á jörðu niðri við slysið.

Innanríkisráðherrann Alfonso Navrrete var á ferð í þyrlunni ásamt fylkisstjóranum Alejandro Murat til að skoða aðstæður við upptök skjálftans. Fram kom í máli ráðherrans að flugmaður þyrlunnar hafi misst stjórn á þyrlunni þegar hún var í um 40 metra hæð þegar hún kom til lendingar.

Þá sagði hann einnig að nokkrir farþegar í þyrlunni hafi slasast.

Frétt af mbl.is

Öflugur jarðskjálfti í Mexíkó

Skjálftinn fannst vel víða um Mexíkó, meðal annars í Mexíkóborgar þar sem byggingar svignuðu. Ekki er þó vitað um að neinar byggingar hafi hrunið, en í tveimur bæjum nálægt upptökunum hefur verið greint frá skemmdum á byggingum. Ekki er vitað til að neinn hafi dáið í skjálftanum sjálfum.

Mikil skelfing greip þó um sig meðal íbúa, enda aðeins sex mánuðir frá því að tveir stórir skjálftar urðu til þess að hundruð manns létust.

• Blogga um frétt