Segir ákærurnar „þvætting“
Setja bókamerki
Sergei Lavrov utanríkisráðherra Rússlands segir að ákærur á hendur 13 Rússum vegna ólöglegra afskipta af forsetakosningunum árið 2016 í Bandaríkjunum séu ekkert annað en „þvættingur“.
Lavrov sagði á ráðstefnu í Þýskalandi í dag að hann myndi ekki tjá sig frekar um málið fyrr en hann hefði séð einhverjar staðreyndir.
Robert Mueller, sem leiðir rannsókn á meintum afskiptum Rússa af kosningunum, sendi frá sér yfirlýsingu í gærkvöldi þar sem greint er frá ákærunum. Þar kemur meðal annars fram að hinir ákærðu hafi fylgst markvisst með þróun kosningabaráttunnar, allt frá árinu 2014.
Lavrov sagði að jafnvel varaforseti Bandaríkjanna, Mike Pence, efaðist um rannsóknina.
„Þannig að þangað til við sjáum einhverjar staðreyndir er allt annað bara þvættingur“ sagði Lavrov.
Í yfirlýsingu frá Hvíta húsinu sem send var út í gærkvöld kemur sams konar ályktun fram. Rannsókn Robert Mueller um meint afskipti Rússa af kosningunum, sýni nú að engin spilling hafi átt sér stað innan kosningateymis Trumps.
Mikil skjálftavirkni á landinu áhyggjuefni
Þrjú og hálft ár fyrir skotárás í Úlfarsárdal
Benda á Samgöngustofu sem bendir út í heim
Starfsfólk gæti fengið reikning frá Skattinum
Fjárfestingin 115 milljarðar króna
Stóraukið fé til samgöngusáttmála
Hjón sluppu með skrekkinn
Hafa samþykkt kaup fyrir um 9,2 milljarða