Inngripin óumdeilanleg

Þjóðaröryggisráðgjafi Donald Trump, forseta Bandaríkjanna, HR McMaster, segir óumdeilanlegt að Rússar hafi reynt að hafa áhrif á kosningarnar árið 2016.

McMaster sagði þetta í gær eftir að Robert Mueller, sérstakur saksóknari í rannsókn Bandaríkjanna á meintum afskiptum Rússa af bandarísku forsetakosningunum 2016, ákærði á föstudag þrettán Rússa sem grunaðir eru um að hafa rekið leynilega kosningabaráttu til að hafa áhrif á niðurstöður kosninganna.

Í ákærunni kemur fram að náinn bandamaður Vladimírs Pútíns Rússlandsforseta hafi stýrt hinni leynilegu kosningabaráttu. Hún hafi upp úr miðju ári 2016 miðað að því að afla Donald Trump Bandaríkjaforseta atkvæða og grafa undan Hillary Clinton, keppinaut hans. Rússnesk stjórnvöld vísa ásökununum á bug.

Þetta kom fram í máli McMaster á öryggismálaráðstefnu í München en skömmu áður hafði utanríkisráðherra Rússlands, Sergei Lavrov, haldið því fram að þetta væri bara blaður og bull. 

Frétt Guardian

mbl.is
Masters (50+) námskeið í bogfimi.með þjálfara
Námskeiðið er á mánudögum og miðvikudögum 18:30-20:00 Haust önn Júlí til Desemb...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...
Myndir eftir Stórval
Til sölu nokkrar myndir eftir Stórval, m.a. þessi stærð 50x71, merkt á baki, mál...