Tókst að sá ágreiningi meðal Bandaríkjamanna
Setja bókamerki
Donald Trump Bandaríkjaforseti sagði í dag að Rússum hefði tekist, umfram sínar björtustu vonir, að sá ágreiningi meðal Bandaríkjamanna. Þingnefndir og sérstök rannsóknarnefnd hafa skoðað og rætt meint afskipti Rússa af forsetakosningunum árið 2016 þegar Trump var kosinn forseti. Hann sagði þó ekki beinum orðum að Rússar hefðu haft áhrif á kosningarnar. Þetta var meðal þess sem kom fram í tístum Trumps í dag á Twitter.
Í vikunni var tilkynnt um að þrettán Rússar og þrjú rússnesk fyrirtæki hafi verið ákærð fyrir ólögleg afskipti af kosningunum. Komu ákærurnar frá Robert Mueller, sem leiðir rannsókn á meintum afskiptum Rússa af kosningunum.
Rússarnir eiga að hafa þóst vera Bandaríkjamenn og nýtt sér samfélagsmiðla, líkt og Facebook, Twitter, Instagram og YouTube, til að leggja áherslu á stjórnmál og umdeild málefni. Sumir hinna ákærðu notuðu tölvukerfi í Bandaríkjunum til að fela slóð þeirra til Rússlands.
Hinir ákærðu höfðu aðsetur í St. Pétursborg en ferðuðust til Bandaríkjanna. Þá hafi íbúi í Texas leiðbeint Rússunum um hvernig þeir gætu einbeitt sér að ríkjum þar sem mjótt var mununum á milli Donald Trump og Hillary Clinton.
Trump hefur enn ekki tjáð sig um ákærurnar, en á Twitter í dag gagnrýndi hann Barack Obama, fyrrverandi forseta Bandaríkjanna, fyrir að hafa mistekist að stöðva Rússa. Gagnrýndi hann einnig alríkislögregluna fyrir að eyða of miklum tíma í að reyna að sanna tengsl kosningabaráttu Trumps við Rússa.
„Hvílir mikil leynd yfir þessu öllu“
Skar höfuðleðrið af íslenskri konu
Telur forsendur fyrir vaxtalækkun
Tveir í bílnum sem lenti utan vegar
Skiptir miklu meira máli en fólk grunar
Veiting hvalveiðileyfis ekki brot á EES-samningi
Krefjast stöðvunar framkvæmda
Vélsleðaslys: Þyrlan kölluð út á mesta forgangi