Dagmamma ákærð 11 árum eftir dauða barns

Ljósmynd/Norska lögreglan

Norsk dagmanna hefur verið ákærð fyrir að hafa valdið barni höfuðskaða sem varð til þess að barnið lést. Málið hefur velkst um í kerfinu í 11 ár. Fjallað er um þetta í Aftenposten í dag.

Þar kemur fram að móðir Martine, sem var eins árs gömul, hafi komið með hana að morgni mánudags 4. september 2006 til dagmömmunnar. Nokkru síðar hafði dagmamman samband við móður hennar og sagði að dóttur hennar liði illa. Þegar móðirin sá dóttur sína var hún fljót að hringja í Neyðarlínuna og var barnið flutt með sjúkrabíl á Ríkissjúkrahúsið. Þar lést hún fjórum dögum síðar. 

Dagmamman var ákærð fyrir ofbeldi gagnvart barni en síðar var fallið frá ákærunni þar sem sérfræðingar voru ekki sannfærðir um að dagmamman bæri ábyrgðina. Málið var tekið upp að nýju í febrúar 2015 af sérstökum hópi innan norsku rannsóknarlögreglunnar Kripos sem rannsakar mál sem ekki hefur verið hægt að leysa (cold case). Með nýjum gögnum, þar á meðal yfirlýsingu frá sérfræðingi, ákvað ríkissaksóknari að ákæra að nýju.

Dagmóðirin fyrrverandi er nú ákærð fyrir að bera ábyrgð á dauða barnsins með því að hafa slegið Martine í höfuðið eða lamið höfði hennar utan í harðan flöt með þeim afleiðingum að hún fékk alvarlega höfuðáverka.

Frétt Aftenposten

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Mitsubishi Pajero - Instyle - Árg. 2007 - ek. 172þ km - kr. 1.350.000,-
Bíllinn er með olíufíringu og led ljóskösturum. Sumar- og vetrardekk (nagladekk)...
Sumarhús við gullna hringinn..
- Gisting fyrir 5-6, leiksvæði og stutt að Geysi, Flúðum og Gullfossi. Velkomin....
Gefins - áttu klink sem þú mátt missa?
Kattholt þiggur með þökkum smámynt (hvaðan sem er). Þetta fer til að fjármagna...