Hvattir til að klaga vinnufélagana

Pirrar það þig að vinnufélaginn tekur sér langan hádegismat?
Pirrar það þig að vinnufélaginn tekur sér langan hádegismat? AFP

Opinberir starfsmenn í Ástralíu hafa verið beðnir um að tilkynna nafnlaust ef vinnufélagar þeirra eru að slóra í vinnunni eða taka sér of langan matartíma.

Skattstofan þar í landi sendi út minnisblað til 20 þúsund opinberra starfsmanna í desember og hvatti þá til að fylgjast með hegðun samstarfsmanna sinna, að því er fram kemur í frétt BBC.

Í minnisblaðinu voru starfsmennirnir beðnir að láta vita ef einhver fyllti vinnuskýrsluna sína ekki nægilega vel út eða tæki of langan tíma í að lesa dagblöðin á vinnutíma.

Mörgum þykir hér til of mikils ætlast og segja að skilaboð sem þessi skaði menningu á vinnustöðum. Titill minnisblaðsins var: „Sérðu eitthvað grunsamlegt?“ Svo stóð: „Þú gætir hafa séð það áður. Vinnufélagi sem hefur lagt það í vana sinn að taka langa matartíma, fer oft snemma úr vinnunni eða eyðir fyrsta klukkutíma vinnudagsins í að borða morgunmat og lesa blöðin...eða allt gerir allt ofangreint.“

Minnisblaðið hefur verið birt á vef skattstofunnar.

Var starfsfólk hvatt til að tilkynna um þessa hegðun samstarfsmanna til næstu yfirmanna eða til innri endurskoðunar. Var bent á að fölsun vinnuskýrslna væri fjársvik og að allir yrðu að leggjast á eitt að uppræta slíkt.

Verkalýðsfélög eru meðal þeirra sem gagnrýnt hafa minnisblaðið og segja að það etji starfsmönnum gegn hver öðrum. 

mbl.is
Útsala !!! Kommóða ofl..
Til sölu 3ja skúffu kommoða,ljós viðarlit.. Mjög vel útlítandi..Verð kr 2000.. ...
KRISTALS LJÓSAKRÓNUR ÚTSALA er að byrja
Glæsilegar kristalsljósakrónur fyrir falleg heimili. ÚTSALA Handskornar kristal...
Gæðamotta keypt í Persíu, stærð 2x140,.
Gæðamotta keypt í Persíu, stærð 2x140. Verð 4000. Upplýsingar í síma 6942326 eða...
Viltu vita hvað er framundan ?
Segi þer það sem þeir sem farnir eru segja mer um framtíð þína. Bollar og tar...