Kennarar beri skotvopn

Donald Trump á fundinum í Hvíta húsinu.
Donald Trump á fundinum í Hvíta húsinu. AFP

Donald Trump Bandaríkjaforseti segist vera að íhuga að veita leyfi fyrir því að kennarar beri skotvopn í von um að koma í veg fyrir enn eina skotárásina í skólum landsins.

Á fundi í Hvíta húsinu með kennurum og nemendum menntaskólans Marjory Stoneman Douglas, þar sem 17 manns voru skotnir til bana, viðraði Trump þá hugmynd að einhverjir kennarar gætu fengið þjálfun í notkun skotvopna.

„Augljóslega myndi þetta aðeins henta fyrir þá sem eru mjög hæfir í að meðhöndla byssu,“ sagði Trump.

„Þetta kallast að bera falið skotvopn. Kennarinn myndi hafa á sér falda byssu og þeir myndu gangast undir sérstaka þjálfun,“ sagði hann og nefndi að ekki yrði því lengur um byssulaust svæði að ræða í skólum.

Einn þeirra sem lifði árásina í Flórída af, tjáir sig …
Einn þeirra sem lifði árásina í Flórída af, tjáir sig á fundinum. AFP
AFP
mbl.is

Bloggað um fréttina

Fleira áhugavert
Fleira áhugavert