Einni af hverjum átta frönskum konum nauðgað

Niðurstöður könnunarinnar benda til þess að 12 prósent franskra kvenna ...
Niðurstöður könnunarinnar benda til þess að 12 prósent franskra kvenna hafi verið nauðgað. AFP

Um fjórum  milljónum franskra kvenna, eða 12 prósentum, hefur verið nauðgað að minnsta kosti einu sinni á lífsleiðinni. Þetta eru niðurstöður nýlegrar könnunar sem Jean Jaures-stofnunin framkvæmdi.

Þar kemur einnig fram að 43 prósent franskra kvenna hafi orðið fyrir óviðeigandi kynferðislegri snertingu án samþykkis þeirra. Þá hafa 58 prósent fengið óþægileg og óviðeigandi tilboð um kynlíf. Flestar konurnar sem tóku þátt í könnuninni höfðu orðið fyrir kynferðislegri áreitni eða ofbeldi oftar en einu sinni.

Tilgangur könnunarinnar, sem náði til 2.000 franskra kvenna, var að kanna umfang kynferðislegrar áreitni og kynferðisofbeldis sem franskar konur verða fyrir.

Líkt og kynsystur þeirra víða um heim hafa franskar konur látið í sér heyra á samfélagsmiðlum í tengslum við #metoo-byltinguna. Þær hafa meðal annars deilt sögum undir myllumerkinu Balance ton Porc, en þeirri herferð var hrundið af stað í kjölfar ásakana fjölmargra kvenna á hendur kvikmyndaframleiðandanum Harvey Weinstein um kynferðisofbeldi.

mbl.is
INTENSIVE ICELANDIC, ENGLISH, NORWEGIAN & DANISH f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2018: AUTUMN/HAUST: ...
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...