Fleiri fyrirtæki slíta tengsl við NRA
Setja bókamerki
Enn fleiri fyrirtæki bætast í hóp þeirra fyrirtækja sem hafa slitið öll tengsl við Samtök byssueigenda í landinu, NRA, eftir skotárásina í Flórída í Bandaríkjunum. Flugfélögin United og Delta bættust í hóp bílaleiganna Hertz og Enterprise sem buðu báðar upp á afslætti fyrir félagsmenn samtakanna. BBC greinir frá.
Hávær krafa er um að byssulöggjöf verði hert í landinu eftir að 17 manns voru myrtir í Marjory Stoneman Douglas skólanum. Neytendur hafa hvatt til þess að viðskiptavinir samtakanna sniðgangi þau, hætti viðskiptum við þau og/eða hætti að veita þeim ýmsa afslætti og vildarkjör. Þrýstingurinn hefur aukist á samfélagsmiðlum undir myllumerkinu #BoycottNRA.
Rick Scott, ríkisstjóri Flórída, hefur lagt til að aldur til að kaupa skotvopn í Bandaríkjunum verði hækkaður úr 18 árum upp í 21 ár. Hann hefur verið undir miklum þrýstingi eftirlifenda skotárásarinnar um að breyta byssulögunum. Fram að þessu hefur hann verið talinn fylgismaður vopnalöggjafarinnar í Bandaríkjunum en hann er repúblikani líkt og forseti landsins Donald Trump sem er fylgjandi byssueign almennings.
Hart er tekist á um byssulögin líkt og oft áður í Bandaríkjunum. Í fyrradag hélt yfirmaður NRA, Wayne LaPierre, ræðu eftir skotárásina. Ræðan hefur farið illa í marga en hann var mjög harðorður er hann varði rétt Bandaríkjamanna til að bera skotvopn.
Kvikan virðist nú skiptast til helminga
Fjárfestingin 115 milljarðar króna
Ofsóttur innan veggja Boeing
Starfsfólk gæti fengið reikning frá Skattinum
„Þögnin er ærandi“
Hafa samþykkt kaup fyrir um 9,2 milljarða