Sprengja leyndist í „brúðkaupsgjöfinni“

Kort/Google

Brúðgumi og amma hans létust þegar pakki sem hann opnaði sprakk. Eiginkona mannsins særðist alvarlega en fólkið hélt að það væri að opna brúðkaupsgjöf. Atvikið átti sér stað í gær í ríkinu Odisha sem er í austurhluta Indlands.

Hjónin Soumya Sekhar og Reema Sahu gengu að eiga hvort annað 18. febrúar. Á föstudag héldu þau veislu og þeim barst pakki sem þau töldu að væri brúðkaupsgjöf. Það reyndist hins vegar vera sprengja í „gjöfinni“. 

Að sögn lögreglu er ekki vitað hvers vegna hjónin fengu þessa sendingu og þá er ekki vitað hver ber ábyrgð á ódæðinu.

Ættingjar fólksins segja að sprengjan hafi sprungið um leið og búið var að fjarlægja umbúðirnar.

Sehu og amma hans, hin 85 ára gamla Jemamani Sahu, létust af sárum sínum á sjúkrahúsi, að því er segir í frétt á vef BBC.

mbl.is
Volkswagen, VW Transporter 2016
Bíllinn kom á götuna 25.11.2016 og er ekinn 18.750 km Mikið af aukahlutum. Ve...
Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
KRISTALS LJÓSAKRÓNUR í Glæsibær
Glæsilegar kristalsljósakrónur fyrir falleg heimili. Handskornar kristalsljósak...