Carles Puigdemont, fyrrverandi forseti heimastjórnar Katalóníu, mun ekki sækjast eftir því að verða útnefndur forseti Katalóníu á ný. Þetta kemur fram í myndbandi sem hann birti á samfélagsmiðlum.
Missatge institucional del president de la Generalitat de Catalunya https://t.co/acydz8HGlF
— Carles Puigdemont 🎗 (@KRLS) March 1, 2018
Puigdemont hefur verið í útlegð í Belgíu frá því hann lýsti yfir sjálfstæði Katalóníu í október í fyrra í kjölfar umdeildra kosninga sem spænsk stjórnvöld úrskurðuðu ólöglegar.
Í frétt BBC kemur fram að með því að stíga til hliðar vilji Puigdemont reyna að greiða pólitíska blindgötu sem myndast hefur eftir kosningarnar um sjálfstæði Katalóníu í fyrra. Með ákvörðun sinni vonast hann til að hægt verði að finna lausn á deilu aðskilnaðarsinna og spænskra yfirvalda.
Spænsk stjórnvöld hafa ekki tjáð sig um ákvörðun Puigdemont.