Hugsanlega viðstaddur opnun sendiráðs í Jerúsalem

Netanyahu heimsótti Trump í Hvíta húsið í dag.
Netanyahu heimsótti Trump í Hvíta húsið í dag. AFP

Donald Trump, forseti Bandaríkjanna, segist hugsanlega ætla að vera viðstaddur opnun umdeilds nýs sendiráðs Bandaríkjanna í Jerúsalem í maí næstkomandi. Forsetinn viðurkenndi í desember á síðasta ári Jerúsalem sem höfuðborg Ísrael, en ákvörðunin var fordæmd af alþjóðasamfélaginu. AFP-fréttastofan greinir frá.

Benjamin Netanyahu, forsætisráðherra Ísraels, heimsótti Trump í Hvíta húsið í dag og lét forsetinn þau orð falla að hann yrði hugsanlega viðstaddur opnunina. Er það væntanlega til að undirstrika þau sterku bönd sem Trump segir vera á milli Bandaríkjanna og Ísrael.

Trump sagði að samband Bandaríkjanna og Ísrael hefði aldrei verið betra og opnaði á hugmyndina um að hann heimsækti sendiráðið við opnun þess. Yrði sú heimsókn meiriháttar diplómatísk áskorun og einnig áskorun hvað öryggismál varðar.

mbl.is
Hallo AFI, sumarhús í Tungunum..
Falleg sumarhús til leigu í Tungunum, ca. klst. frá Rvík. - fyrir AFA og ÖMMU. f...
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Mynd eftir Ásgrím Jónsson
Til sölu olíumálverk eftir Ásgrím Jónsson, Húsafell, Uppl. í s. 772-2990 eða á ...