Stjórnvöld í Suður- og Norður-Kóreu hafa ákveðið að halda ráðstefnu við landamæri sín í apríl.
Þetta sagði Chung Eui-yong, þjóðaröryggisráðgjafi Moon Jae-in, forseta Suður-Kóreu, eftir fund með Kim Jong-un, leiðtoga Norður-Kóreu, í borginni Pyongyang.
„Suðrið og norðrið hafa samþykkt að halda þriðju ráðstefnuna í Panmunjom seint í apríl,“ sagði Chung Eui-yong og átti þar við landamærabæinn þar sem öryggisgæsla er mikil.
Einnig kom fram í viðræðunum í Pyongyang að Norður-Kóreumenn séu reiðubúnir til að afvopnast ef öryggi þjóðarinnar verður tryggt.