Suðurkóreskur leikari sem sakaður var um kynferðislegt ofbeldi fannst látinn í dag. Leikarinn, Jo Min-ki, átti að mæta á fund saksóknara á mánudaginn vegna ásakana um að hafa beitt háskólanemendur sem hann kenndi kynferðislegu ofbeldi. 

Ásakanir á hendur honum komu fram í nafni #MeToo byltingarinnar nýverið. Samkvæmt frétt Yonhap fréttastofunnar fannst hann látinn í bílakjallara hússins þar sem hann bjó í Seúl en talið er að um sjálfsvíg hafi verið að ræða.

Þegar fyrst var greint frá málinu í síðasta mánuði kom fram að tæplega tíu nemendur hans við Cheongju háskólann hafi lýst því hvernig hann hafi nálgast þá líkamlega á óviðeigandi hátt. Jafnframt á starfsmaður á kaffihúsi að hafa sakað hann um að hafa reynt að nauðga sér. Brotin eiga hafa verið framin frá árinu 2010 þangað til fyrr á þessu ári. 

Jo sendi frá sér tilkynningu í lok febrúar þar sem hann biðst afsökunar á hegðun sinni. Jo var 52 ára þegar hann lést.

Tengdar fréttir

MeT­oo - #Ég líka

Ógildir dóm yfir Weinstein

• Ákvörðun um að víkja Jóhanni úr landsliði stendur
• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll

» Fleiri tengdar fréttir

• Blogga um frétt