Trump þiggur boð Kim um fund
Setja bókamerki
Tengdar fréttir
Norður-Kórea
Leiðtogi Norður-Kóreu, Kim Jong-un hefur boðið Donald Trump, forseta Bandaríkjanna, á sinn fund og hefur sá síðarnefndi sagt að hann muni þiggja boðið. Jafnframt hefur Kim samþykkt að stöðva kjarnorku- og eldflaugatilraunir landsins.
Samkvæmt frétt BBC var það háttsettur embættismaður frá Suður-Kóreu sem starfar í Washington sem færði bandarískum yfirvöldum bréf frá Kim þar sem hann óskar eftir fundi með Trump.
Trump segir þetta vera mikið framfaraspor en að áfram verði viðskiptaþvinganir í gildi gagnvart N-Kóreu. Að minnsta kosti þangað til formlegt samkomulag hafi náðst. Norður-Kórea hefur ekki gefið út neina formlega yfirlýsingu vegna málsins.
Þjóðaröryggisráðgjafi Suður-Kóreu, Chung Eui-yong, ræddi við fréttamenn fyrir utan Hvíta húsið eftir fund með Trump. Þar sagðist hann hafa tjáð Trump að leiðtogi Norður-Kóreu, Kim Jong-un, hafi sagt á fundi með ráðamönnum í Suður-Kóreu að hann væri reiðubúinn til þess að afkjarnorkuvæðast.
Chung segir að Trump hafi sagt að hann væri reiðubúinn að hitta Kim Jong-un í maí þar sem þeir myndu ræða formlega um afkjarnorkuvæðingu N-Kóreu.
Tengdar fréttir
Norður-Kórea
Veiting hvalveiðileyfis ekki brot á EES-samningi
Kostnaður meiri en milljón á fermetra
Sex hafa greinst með listeríu
Krefjast stöðvunar framkvæmda
Skiptir miklu meira máli en fólk grunar
„Hvílir mikil leynd yfir þessu öllu“
Banna mengandi búnað sem leyfður er á Íslandi
Tveir í bílnum sem lenti utan vegar