Um 500 gestum kráa og veitingastaða í Salisbury hefur verið sagt að þrífa eigur sínar í varúðarskyni eftir að leifar af taugagasi fundust á kránni Mill og veitingastaðnum Zizzi við rannsókn á morðtilræðinu á fyrrverandi njósnarnum Sergei Skripal og Juliu dóttur hans. BBC greinir frá.

Hættan fyrir almenning er talin lítil, en öllum þeim gestum sem sóttu þessa tvo staðið eftir klukkan 13:30 síðastliðinn sunnudag hefur verið rálagt að þrífa eigur sínar.

Frétt af mbl.is

250 lögreglumenn rannsaka morðtilræðið

Skripal-feðginin fundust meðvitundarlaus á bekk fyrir utan verslunarmiðstöð í Salisbury síðastliðinn sunnudag og hafa legið á gjörgæslu síðan. Fyrir liggur að taugagas var notað til að reyna að myrða þau.

Mælt er með því að fólk þvo föt sín eða fari með þau í hreinsun. Þá skal þrífa töskur, síma og önnur raftæki með hreinsiklútum og skargripi upp úr volgu vatni og uppþvottalegi.

Enginn er talinn í bráðri hættu vegna eitursins en möguleiki er á því að snerting og geti leitt til heilsubrests þegar til lengri tíma er litið.

Tengdar fréttir

Eitrað fyrir Skripal

Grunaðir í Skripal-máli sakaðir um þátt í sprengingu

• Gagnrýnandi Pútíns kyrktur
• Boris varar Pútín við
• Ræðir Skripal-málið við Pútín
• Mikil umferð um sendiráðið fyrir tilræðið

» Fleiri tengdar fréttir

• Blogga um frétt