„Ekkert réttlætir“ árás Tyrkja í Sýrlandi

Íbúar Afrin-borgar hafa flúið í hundraðavís, m.a. til borgarinnar Nubol ...
Íbúar Afrin-borgar hafa flúið í hundraðavís, m.a. til borgarinnar Nubol sem er skammt frá Aleppo. AFP

Stjórnvöld í Frakklandi segja að „ekkert réttlæti“ umfang árása Tyrkja í Sýrlandi. Þann 20. janúar hóf her Tyrkja hernaðaraðgerð handan landamæranna gegn Kúrdum. Telja þeir að Varnarsveitir Kúrda í Sýrlandi séu nátengdar hreyfingu Kúrda í Tyrklandi sem barist hafa fyrir sjálfstæði í austurhluta landsins í um þrjá áratugi. 

Jean-Yves Le Drian, utanríkisráðherra Frakklands, beindi orðum sínum til tyrkneskra stjórnvalda í dag og sagði að áhyggjur af öryggi réttlættu engan veginn umfang aðgerða þeirra í Sýrlandi. „Ef áhyggjur Tyrkja af landamærum sínum eru góðar og gildar þá réttlætir það engan veginn aðgerðir tyrkneskra hermanna inni í miðju Afrin-héraði,“ sagði Le Drian á franska þinginu í dag. 

Hernaðaráhlaup Tyrkja á svæðinu er gert í banda­lagi við liðsmenn Frels­is­hers Sýr­lands (FSA) sem hef­ur nú bar­ist við hlið annarra upp­reisn­ar­hópa í sjö ár gegn stjórn­ar­her Bash­ar al-Assads Sýr­lands­for­seta. Aðgerðin hef­ur verið kölluð „Ólífu­grein­in“ og hefur nú staðið í um sjö vikur. Á þeim tíma hefur Tyrkjum tekist að ná stórum landssvæðum Kúrda á sitt vald. Nú hafa þeir umkringd borgina Afrin. Þaðan hafa hundruð manna flúið síðustu sólarhringa.

mbl.is
BÓKHALD
NP Þjónusta Býð fram liðveislu við bókanir, reikn-ingsfærslur o.fl. Hafið samban...
EAE Bilalyftur
Bílalyftur allar gerðir, eigum á lager 4 tonna 2 pósta og 3 t í gólf og 1 metra ...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Sumarhús/Gesthús
Mjög vandað sumarhús/Gesthús til sölu, algjörlega viðhaldsfrítt, klætt með lerki...