Ók niður tröppur og festist

AFP

Rúmlega þrítugur karlmaður var handtekinn á mánudagskvöldið fyrir að stela bifreið af gerðinni Mini Cooper í bænum Morpeth í Bretlandi eftir að maðurinn hafði reynt að aka niður þröngar tröppur og fest bifreiðina þar með þeim afleiðingum að hann sat fastur í henni.

Haft er eftir talsmanni lögreglunnar á fréttavef breska dagblaðsins Daily Telegraph að maðurinn hafi ekki orðið fyrir meiðslum þegar bifreiðin festist í tröppunum. Bifreiðin situr hins vegar enn föst en lögreglan girti svæðið af á meðan gerðar yrðu tilraunir til þess að losa hana.

Vegfarendur hafa notað tækifærið og tekið myndir af bifreiðinni í þessari einkennilegu stöðu. Til stendur að reyna að losa bifreiðina seinna í kvöld en hugmyndin er að lyfta henni úr tröppunum.

mbl.is
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
Heimili í borginni ...Eyjasol ehf.
3ja herb. íbúðir í austurborginni. Gisting fyrir 4-6. Lausir dagar. Góð gisting ...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Húsaviðgerðir
https://www.husco.is/...