Hundur drapst um borð í flugvél United Airlines eftir að flugfreyja setti hann í handfarangursgeymsluna.
Hundurinn var svartur, franskur bolabítur og var í gæludýrabúri á meðan á fluginu stóð á frá borginni Houston til New York á mánudag.
United Airlines sagðist bera fulla ábyrgð á dauðsfallinu og sagði að ekki ætti að geyma gæludýr í handfarangursgeymslum.
„Þetta var sorglegt slys sem ætti ekki að hafa gerst,“ sagði í yfirlýsingu frá flugfélaginu, þar sem samúðarkveðjur voru einnig sendar til eiganda hundsins.
Einn af farþegunum, sem var í sætinu fyrir aftan eiganda hundsins, sagði að eigandanum hafi verið sagt að setja hundinn í farangursgeymsluna eftir að hafa komið um borð í vélina með tvö börn, þar á meðal ungabarn, að sögn New York Times.
„Gæludýraeigandinn sagðist alls ekki vilja setja gæludýrabúrið þangað upp,“ sagði farþeginn, Maggie Gremminger.
Flugfreyjan krafðist þess aftur á móti að búrið skyldi sett í farangursgeymsluna af öryggisástæðum.´
Í frétt BBC kemur fram að flugfreyjan hafi síðar sagt að hún vissi ekki að hundurinn hafi verið í búrinu.