Segir upp aðild Filippseyja að dómstólnum

Rodrigo Duterte.
Rodrigo Duterte. AFP

Forseti Filippseyja, Rodrigo Duterte, tilkynnti í dag að hann hefði í hyggju að segja upp aðild landsins að Alþjóðaglæpadómstólnum í Haag í Hollandi. Dómstóllinn hefur verið að rannsaka fíkniefnastríð forsetans sem staðið hefur yfir frá því að hann var kjörinn.

Fram kemur í yfirlýsingu Dutertes að Filippseyjar segi upp aðild sinni sem taki þegar gildi. Alþjóðaglæpadómstóllinn tilkynnti í síðasta mánuði að hann hefði hafið rannsókn á fíkniefnastríði Dutertes sem kostað hefur fjölda lífa og verið harðlega gagnrýnt á alþjóðavettvangi.

Lögreglan segist hafa drepið tæplega 4000 manns sem grunaðir hafi verið um fíkniefnaglæpi en mannréttindasamtök telja að talan sé þrisvar sinnum hærri.

mbl.is
Suzuki GS 1000L,Forn, 81, Mótorhjól
Árgerð 1981. Keyrt 13.000 mílur, fornhjól sem þarf að skoða annað hvert ár. Hjó...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Fimm herbergja íbúð í Þingholtunum
Fimm herbergja íbúð til leigu með húsgögnum. Verð 295 þúsund. Íbúðin leigist rey...
Kvæði Bjarna Thorarensen 1847
Til sölu afar fágæt ljóðabók eftir Bjarna Thorarensen amtmann, Kvæði, prentuð í ...