Utanríkisráðherra N-Kóreu til Svíþjóðar
Setja bókamerki
Utanríkisráðherra Norður-Kóreu, Ri Yong-Ho, mun í dag eiga fund með utanríkisráðherra Svíþjóðar, Margot Wallström, í Stokkhólmi en Ri mun einnig funda með sænskum stjórnvöldum á morgun.
Sænska utanríkisráðuneytið staðfesti þetta í tilkynningu til fjölmiðla í morgun. Umræðuefnið er staða Svíþjóðar fyrir hönd Bandaríkjanna, Kanada og Ástralíu í Norður-Kóreu. Eins ástandið á Kóreuskaganum sem er ofarlega á baugi hjá öryggisráði Sameinuðu þjóðanna.
Svíþjóð hefur lengi átt í stjórnmálasambandi við Norður-Kóreu en Svíþjóð á einnig fulltrúa í öryggisráðinu 2017-2018. Ráðið hefur einróma fordæmt kjarnorkuvopnaáætlun N-Kóreu og krafist eyðingar vopnanna. Í tilkynningu frá utanríkisráðuneytinu er ítrekað að Svíþjóð styðji þá ályktun eindregið.
Forsætisráðherra Svíþjóðar, Stefan Löfven, sagði í síðustu viku að Svíar væru reiðubúnir að halda fund Donalds Trumps, forseta Bandaríkjanna, og Kim Jong-Un, leiðtoga Norður-Kóreu en þeir ætla að hittast í maí.
Myndir: Reynir við heimsmet í Hlíðarfjalli í dag
Búið að bólusetja börn alla helgina
Áköf mótmæli í bandarískum háskólum
Mest spennandi kosningar í áratugi
Fara ekki lengur fram á einangrun yfir Davíð
Hönnun sem bætir líf manna
„Mér finnst Halla Hrund svona Vigdísarleg“