Ri framlengir dvöl sína í Svíþjóð
Setja bókamerki
Utanríkisráðherra Norður-Kóreu, Ri Yong-Ho, ræddi við utanríkisráðherra Svíþjóðar, Margot Wallström, í gærkvöldi og fundar í dag með forsætisráðherra Svíþjóðar. Áður hefur verið greint frá því að sænski forsætisráðherrann, Stefan Löfven, sagði að Svíar væru reiðubúnir að halda fund Donalds Trumps, forseta Bandaríkjanna, og Kim Jong-Un, leiðtoga Norður-Kóreu.
Yfirvöld í Norður-Kóreu sögðu að heimsókn ráðherrans til Svíþjóðar væri til að ræða samskipti ríkjanna en Svíþjóð hefur lengi átt í stjórnmálasambandi við Norður-Kóreu.
Utanríkisráðuneyti Svíþjóðar sagði að á fundunum yrði einblínt á spennuna á Kóreuskaga og stöðu Svíþjóðar fyrir hönd Bandaríkjanna í Norður-Kóreu.
Upphaflega var gert ráð fyrir því að Ri myndi yfirgefa Svíþjóð í kvöld en hann hefur framlengt dvöl sína fram á sunnudag.
„Ef aðalleikararnir vilja að Svíar spili eitthvert hlutverk þá erum við tilbúnir,“ sagði Stefan Löfven þegar hann var spurður um það hvort fundur Trump og Kim yrði haldinn í Svíþjóð.
Kostnaður meiri en milljón á fermetra
„Hvílir mikil leynd yfir þessu öllu“
Krefjast stöðvunar framkvæmda
Gígbarmurinn hækkað frá því í gær
Shakespeare fannst í skókassa
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug