Flugferðir falla niður vegna veðurs

Búið er að aflýsa meira en 100 flugferðum til og frá Heathrow-flugvelli í London í morgun vegna snjókomu í höfuðborg Englands. Veðurspáin er slæm og talið er að frekari tafir geti orðið á flugferðum.

Flugfélagið British Airways þurfti meðal annars að aflýsa fjölda flugferða innan Bretlandseyja; til Glasgow og Manchester.

„Gert er ráð fyrir minni háttar töfum á Heathrow vegna veðurs,“ sagði talsmaður flugvallarins en hiti er við frostmark í London og það snjóar. 

„Við fylgjumst vel með framvindu mála en það er gert ráð fyrri því að það snjói áfram um helgina,“ bætti talsmaðurinn við.

• Blogga um frétt