Tyrkneski herinn hefur náð helmingi Afrin-borgar í Sýrlandi á sitt vald. Að sögn AFP-fréttastofunnar stóðu tyrkneskar hersveitir fyrir leiftursókn yfir landamæri Tyrklands og Sýrlands og hafa þær nú, ásamt bandamönnum sínum, náð rúmlega helmingi borgarinnar af varnarsveitum kúrda eftir harðar árásir undanfarna daga.

AFP-hefur eftir almennum borgurum í Afrin, þar sem meirihluti íbúa eru Kúrdar, að Varn­ar­sveitir kúrda, YPG, hafi hörfað frá borginni.

Recep Tayyip Erdogan Tyrklandsforseti sagði í dag að Tyrkir hefðu náð fullri stjórn á miðhluta Afrin-borgar og að sprengjuleitarsveitir væru nú að störfum.

Það hefur verið eitt helsta markmið Tyrkja með aðgerðum sínum að ná Afrin á sitt vald, en þeir hafa staðið fyrir áhlaupi á Afrin frá því í lok janúar.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt