Lögga í Skripal-máli útskrifuð

Nick Bailey.
Nick Bailey. AFP

Breski lögreglumaðurinn Nick Bailey sem var fyrstur á vettvang eftir að taugagas var notað í árásinni á rússneska njósnarann fyrrverandi Sergei Skripal, hefur verið útskrifaður af sjúkrahúsi.

Skripal og dóttir hans Yulia, sem ráðist var á í byrjun mars í ensku borginni Salisbury eru enn alvarlega veik, en ástand þeirra er stöðugt.

Bailey sagðist í yfirlýsingu þakka kærlega fyrir stuðninginn sem hann hefði fengið, bæði í formi korta og skilaboða. 

„Stuðningurinn hefur verið ótrúlegur og ég hef reynt að svara eins og ég hef getað en ég vil taka fram að ég er mjög þakklátur fyrir hver einustu skilaboð,“ sagði hann.

Blóðprufur sendar til OPCW

Enskur dómari úrskurðaði í dag að senda megi blóðprufur af Skripal og dóttur hans til OPCW, sem er stofnun um bann við efnavopnum.

Bretar vonast til að stofnunin geti sannreynt niðurstöður þeirra um að taugagasið hafi verið búið til af aðilum frá Sovétríkjunum fyrrverandi og að gasið hafi verið í eigu Rússa.

Rússar hafa neitað allri aðild að árásinni.

Sergei Skripal og dóttir hans Yulia.
Sergei Skripal og dóttir hans Yulia.
mbl.is
Hreinsa þakrennur o.fl
Hreinsa þakrennur, fyrir veturinn og tek að mér ýmis smærri verkefni. Uppl. í sí...
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
3 manna Infrarauður Saunaklefi www.egat.is/infraredsauna.html
Verð: 289.000 Tilboð til 1 des 259.000 - hiti 30-75 C (því 60 - 75 er það sem...
Svefnsófi frá Línunni
Góður og vel með farinn amerískur svefnsófi frá Línunni til sölu. Rúmið sjálft e...