Hundruð uppreisnarmanna, sem Sýrlandsher flutti frá austurhluta Ghouta-héraðs í gær, eru nú komnir til Idlib-héraðs. Uppreisnarmennirnir og fjölskyldur þeirra fengu að yfirgefa svæðið eftir að samkomulag náðist milli þeirra og stjórnarhersins að undirlagi Rússa. 

Idlib-hérað er enn undir yfirráðum uppreisnarhópa. Þangað hafa hópar þeirra m.a. flúið frá Aleppo og fleiri stöðum í landinu sem herir Bashar al-Assads forseta hafa náð aftur á sitt vald eftir að uppreisnin hófst árið 2011. Blóðugt stríð fylgdi í kjölfarið og hundruð þúsunda manna hafa fallið í átökunum síðustu ár. 

Rútur fluttu fólkið frá Ghouta og til Idlib í gær. Flestir voru fluttir frá bænum Harasta sem var eitt höfuðvígi uppreisnarhópanna í héraðinu. Margir og ólíkir hópar hafa ráðið lögum og lofum í Ghouta síðustu ár. 

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt