Þýska lögreglan hefur handtekið Carles Puigdemont, fyrrverandi forseta heimastjórnarinnar í Katalóníu, við dönsku landamærin.
Talsmaður flokks hans greindi frá þessu.
Puigdemont var handtekinn eftir að hann fór yfir landamærin með bíl frá Danmörku.
Fram kom í tilkynningu frá lögreglu að hann hafi verið handtekinn vegna handtökuskipunar sem var gefin út í Evrópu.
„Hann er núna í varðhaldi lögreglunnar,“ sagði talsmaður lögreglunnar. „Þetta gerðist þegar hann fór yfir dönsku/þýsku landamærin. Hann fékk góða meðhöndlun og lögfræðingar hans eru hjá honum.“
Puigdemont hefur verið í sjálfskipaðri útlegð í Belgíu frá því í október í fyrra, skömmu eftir atkvæðagreiðslu Katalóníubúa um sjálfstæði fylkisins, sem spænsk yfirvöld segja ólöglega.