Sendiráð Ekvador í London hefur lokað fyrir internettengingu Julian Assange, stofnanda WikiLeaks, sem dvalið hefur í sendiráðinu í rúmlega fimm ár til þess að forðast handtöku. BBC greinir frá.

Stjórnvöld í Ekvador segja að ákvörðun hafi verið tekin um að loka á nettengingu Assange til þess að koma í veg fyrir að hann hefði afskipti af málum annarra landa.

Lokað var á tengingu Assange í kjölfar þess að hann lýsti efasemdum sínum um það að Rússar séu ábyrgir fyrir taugagasárásinni á fyrrum rússneska njósnarann Sergei Skripal og dóttur hans.

Upphaflega dvaldi Assange í sendiráði Ekvador til að koma í veg fyrir að verða fluttur til Svíþjóðar í yfirheyrslu vegna kynferðisafbrotamáls. Svíar hafa hætt rannsókn sinni á málinu en Assange telur að yfirgefi hann sendiráðið verði hann fluttur til Bandaríkjanna til að svara fyrir starfsemi WikiLeaks.

Hér að neðan má lesa eitt af tístum Assange þar sem hann lýsir efasemdum sínum um ákvörðun Breta og annarra landa um að senda rússneska erindreka úr landi.

Tengdar fréttir

Wikileaks - Julian Assange

Íhugar að fella niður ákærur á hendur Assange

• Assange vill mæta í jarðarför Westwood
• Assange veikur í fangelsi
• Assange áfrýjar ákvörðun breskra stjórnvalda
• Vilja að Assange verði sleppt úr fangelsi

» Fleiri tengdar fréttir

Eitrað fyrir Skripal

Grunaðir í Skripal-máli sakaðir um þátt í sprengingu

• Gagnrýnandi Pútíns kyrktur
• Boris varar Pútín við
• Ræðir Skripal-málið við Pútín
• Mikil umferð um sendiráðið fyrir tilræðið

» Fleiri tengdar fréttir

• Blogga um frétt