Segir gagnrýni Erdogans minna á aprílgabb
Setja bókamerki
Benjamin Netanyahu, forsætisráðherra Ísraels svaraði í dag gagnrýni Recep Erdogans, forseta Tyrklands, vegna árásar Ísraelshers á þrjár bækistöðvar Hamas-samtakanna á Gaza-ströndinni á föstudag. 16 létust í átökunum og yfir 1.400 særðust.
Erdogan sagði árásina vera ómannúðlega. „Siðsamasti her í heimi tekur ekki mark á siðferðismálum frá þeim sem varpa sprengjum á óbreytta borgara af handahófi,“ skrifar Netanyahu á Twitter. Hann fordæmir árásir Tyrkja á Kúrda og segir gagnrýni forsetans minna á aprílgabb.
Stjórnvöld í Ísrael hafa neitað að fallast á kröfu alþjóðasamfélagsins um að framkvæmd verði óháð og gegnsæ rannsókn á því mannfalli sem varð í árásinni.
Antonio Guterres, aðalritari Sameinuðu þjóðanna, lagði til að óháð rannsókn yrði framkvæmd á mannfallinu. Ekki náðist samstaða um sameiginlega yfirlýsingu aðildarríkja öryggisráðs Sameinuðu þjóðanna á neyðarfundi í gær vegna málsins þar sem Bandaríkin beittu neitunarvaldi sínu.
Stjórnarmenn ísraleska hersins segja að um sé að ræða andsvar við árásartilraun á hermenn við landamærin. Netanyahu hrósaði í gær hermönnum landsins fyrir að hafa „gætt landamæra ríkisins.“
Shakespeare fannst í skókassa
„Hvílir mikil leynd yfir þessu öllu“
Banna mengandi búnað sem leyfður er á Íslandi
Árshátíð ríkislögreglustjóra haldin í Tékklandi
Telur forsendur fyrir vaxtalækkun
Tveir í bílnum sem lenti utan vegar
„Það þarf að vinna mikinn fjölda upp“
„Umsátursástand“