Mark Zuckerberg, forstjóri Facebook, mun bera vitni fyrir framan bandaríska þingnefnd 11. apríl vegna meintrar misnotkunar Cambridge Analytica á persónulegum upplýsingum á Facebook.
Orku- og viðskiptanefnd Bandaríkjaþings tilkynnti þetta í dag.
CNN hafði áður greint frá því að Zuckerberg ætlaði að mæta í yfirheyrslu hjá Bandaríkjaþingi.
„Með þessari yfirheyrslu fæst mikilvægt tækifæri til að varpa ljósi á málefni sem tengjast notkun á persónulegum upplýsingum neytenda og til að hjálpa Bandaríkjamönnum við að skilja betur hvað verður um persónulegu upplýsingarnar þeirra á netinu,“ sagði Greg Walden, formaður nefndarinnar.
„Við erum þakklátir fyrir að herra Zuckerberg vilji bera vitni fyrir nefndinni og við hlökkum til að heyra á svör hans við spurningum okkar 11. apríl.“