Þýska lögreglan kom í veg fyrir voðaverk

Yfir 30.000 manns taka þátt í hálfmaraþoninu í Berlín dag.
Yfir 30.000 manns taka þátt í hálfmaraþoninu í Berlín dag. AFP

Þýska lögreglan hefur handtekið sex manns í Berlín sem grunaðir eru um að hafa ætlað að fremja voðaverk í hálfmaraþoni sem fram fer í borginni í dag. BBC greinir frá.

Samkvæmt dagblaðinu Die Welt ætlaði einn mannanna að gera hnífstunguárás á þátttakendur í maraþoninu og áhorfendur. Yfir 30.000 manns taka þátt í maraþoninu.

Í tilkynningu frá lögreglunni í Berlín segir að leitað hafi verið í nokkrum íbúðum auk tveggja farartækja. Þeir handteknu eru á aldrinum 18 til 21 árs.

Þá leikur á því grunur að mennirnir tengist Anis Amri, manni frá Túnis sem varð 12 manns að bana þegar hann keyrði á gangandi vegfarendur á jólamarkaði í Berlín í desember 2016. Hann var skotinn til bana af lögreglu í Mílanó á Ítalíu nokkrum dögum seinna eftir að hans hafði verið leitað um alla Evrópu.

mbl.is
Mjög góð Toy Avensis Station
Til sölu mjög góð Toyota Avensis Station 2003 árgerð, ekin 180þ km. Bensín bíll ...
Kolaportið alltaf gott veður!
Góða veðrið og góða skapið er í KOLAPORTINU!...
Svarthvít axlabönd
Til sölu fyrsta ljóðabók Gyrðis Elíassonar, Svarthvít axlabönd. Árituð og ástand...