Bandaríski herinn drap háttsettan liðsmann Ríkis íslams í loftárás í Afganistan.
Herinn staðfesti þetta og sagði manninn hafa stjórnað inngöngu erlendra bardagamanna í norðurhluta Afganistans.
Qari Hikmatullah, einnig þekktur sem Hekmat, var drepinn ásamt lífverði sínum í héraðinu Faryab í norðurhluta Afgtanistans síðastliðinn fimmtudag. Árásin var gerð í hverfinu Bal Chiragh.
Hikmatullah fæddist í Úsbekistan. Hann var hluti af hersveitum talibana áður en hann gekk til liðs við Ríki íslams í Afganistan.